Psa 100 | HilAPD | STEP | Kanta sa Pagpasalamat. Kamo nga mga katawhan sa bilog nga kalibutan, maghinugyaw kamo sa Ginoo sa kalipay.

Psalms 100

Kanta sa Pagdayaw

Kanta sa Pagpasalamat.

1 Kamo nga mga katawhan sa bilog nga kalibutan,
maghinugyaw kamo sa Ginoo sa kalipay.
2 Alagara ninyo ang Ginoo nga may kalipay.
Magpalapit kamo sa iya nga nagakanta sing malipayon.
3 Kilalaha ninyo nga ang Ginoo amo ang Dios!
Siya ang naghimo sa aton kag iya kita. ^{▼▼kag iya kita: ukon, kag indi ang aton kaugalingon}
Iya kita katawhan nga ginaatipan niya pareho sa mga karnero.
4 Magsulod kamo sa iya templo nga may pagdayaw kag pagpasalamat.
Dayawa ninyo siya kag pasalamati.
5 Kay maayo ang Ginoo;
ang iya gugma wala sing katapusan,
kag ang iya katutom nagapadayon hasta san-o.